CENTRE DE PSYCHOTHERAPIE
Bereldange
Individuell therapie
D'Psychotherapie gëtt vun der CNS rembourséiert, zu 70% fir Erwuessener an zu 100% fir Mannerjähreger: https://cns.public.lu/fr/assure/remboursements/prestations-remboursees/prestations-medicales/psychotherapie.html
Spezialgebidder am Centre de Psychothérapie
-
Depressiounen
-
Angschtstéierungen (z.B. Phobien, Generaliséiert Angschtstéierung, Panikstéierung)
-
Stress
-
Burnout
-
Traumaen
-
Selbstwäertproblemer a Mangel u Selbstvertrauen
-
Ëmgang mat schwierege Gefiller
-
Impulsivitéit
-
Mobbing
-
Problemer mat de Matmënschen a Kommunikatiounsproblemer
-
Iessstéierungen a gestéiert Iessverhalen
-
Gewiichtsproblemer
-
Schlofproblemer
-
Psychosomatesch Problemer
-
Kritesch Liewensverännerungen (z.B. Pensioun, Trennung, Verloscht vun der Aarbechtsplaz, ...)
-
Suchtverhalen (z.B. Cannabis, Alkohol, Gaming)
-
Schoulesch Schwieregkeeten oder Motivatiounsverloscht
-
Long COVID
D'Therapien ginn offréiert op Lëtzebuergesch, Däitsch, Englesch a Franséisch. All TherapeutIn huet seng eege Spezialgebidder.
D’Ekipp vu klinesche PsychologInnen ass forméiert an der Kognitiver Verhalenstherapie (KVT), an der Schematherapie an och an der EMDR Therapie (Eye Movement Desensitization and Reprocessing).
D’KVT ass eng Form vu Psychotherapie, déi et allgemeng zum Zil huet, d’mental Gesondheet ze verbesseren. De Fokus läit um Hannerfroen a Veränneren vun net hëllefräiche kognitive Verzerrungen (z.B. Gedanken, Iwwerzeegungen an Astellungen) a Verhalensweisen fir den Ëmgang mat den eegene Gefiller ze verbesseren a perséinlech Strategien ze erschaffen fir mat aktuelle Problemer ëmzegoen.
An der Schematherapie geet et dorëms, de Patient dobäi ze ënnerstëtzen, haartnäckeg an net hëllefräich Erliewens- a Verhalensweisen, déi ëmmer erëmkommen – sougenannt Musteren a Schemaen – ze iwwerwannen an duerch hëllefräich Alternativen ze ersetzen.
D’EMDR Therapie huet zum spezifeschen Zil, dass schwiereg Erënnerungen verschafft ginn an dass d’emotional an d’physiologesch Belaaschtung verbonne mat engem oder méi traumateschen Erliefnisser reduzéiert ginn.